LEICESTER - CHELSEA
Chelsea feston golin e parë ndaj Leicester Cityt (Foto: Squawka)
Chelsea fiton edhe pa Costën
14 January, 2017 @20:19
Përkundër mungesës së Diego Costës dhe shqetësimeve që u shkaktuan dje me lajmet për një largim të mundshëm të spanjollit, Chelsea nuk gaboi sot në përballje ndaj Leicester Cityt, duke bërë kështu që dueli mes dy trajnerëve italian në Premier League të fitohet përsëri nga Conte.
Kampioni në fuqi, Leicester City, zhvilloi një pjesë të parë të mirë, por goli i pranuar që në fillim të ndeshjes nga Marcos Alonso, e bëri punën më të lehtë për Chelsean. Në pjesën e dytë, Chelsean shënoi edhe 2 herë të tjera, për ta mbyllur ndeshjen me rezultatin përfundimtar 0-3.
Paraqitje fenomenale në këtë takim zhvilloi Marcos Alonso, i cili shënoi 2 herë, ndërsa me pak fat mund të kishte shënuar edhe hat-trick. Goli i tretë u shënua nga Pedro me kokë, për të cilin ishte goli i pestë sezonal në Premier League.
Kjo fitore bën që Chelsea të ketë 7 pikë më shumë se Tottenhami, që momentalisht është ndjekësi më i afërt.
Leicester City 0-3 Chelsea - all goals & full… by replayvostfr
