STAMFORD BRIDGE
Shqetësime për Chelsean, grindje Costa-Conte
13 January, 2017 @21:41
Alarm tek skuadra e Chelseat!
Një sezon që po shkonte perfekt papritmas u ‘shokua’ nga një lajm i publikuar sot nga mediat angleze e botërore. Sipas mediave të ndryshme, Diego Costa nuk ka stërvitur 3 ditët e fundit me skuadrën e Chelseat, pasi që ka pranuar një ofertë të majme nga Superliga Kineze e Futbollit.
Një skuadër nga Kina ka ofruar rrogë vjetore prej 30 milionë eurove për spanjollin, ndërsa kjo duket të ketë qenë tunduese për të. Për më tepër, Sky Italia shkruan që në stërvitjen e fundit Conte ka shpërthyer duke bërtitur “Shko në Kinë!” në drejtim të sulmuesit dhe gjendja e tyre është acaruar dukshëm.
Me shumë gjasa Costa nuk do të jetë pjesë e skuadrës së Chelseat në takimin e nesërm ndaj Leicester Cityt, kurse sa i përket ndonjë largimi të mundshëm, mbetet të shihet në ditët e ardhshme.
