Chelsea, më i kaltër se Schalke

Ekipi i Jose Mourinhos sonte ka qenë në një frymë krejt tjetër në krahasim me ndeshjet e parë të këtij grupi në Ligë të Kampionëve. 

Vetë udhëtimi te lideri i grupit dhe mundësia për t’ua shkaktuar atyre humbjen e parë i ka dhënë zemër nxënësve të portugezit - të cilët kanë kaluar lehtë ndaj kundërshtarit gjerman sonte. 

Ka qenë sulmuesi më i shtrenjtë në histori të Premier League, Fernando Torres, që ka shënuar dy herë për skuadrën londineze që me këtë fitore marrin epitetin e liderit të Grupit E, duke kaluar pikërisht Schalken. 

Derisa kapakun tenxheres ia vuri belgu Eden Hazard me goline tij në minutat e fundit të ndeshjes pas një asistimi të brazilianit Ramires. 

Në ndeshjen tjetër të grupit, Basel nuk ka arritur të dalë me fitore nga Rumania. Steaua barazoi në minutën e 88-të të ndeshjes për të shkëputur pikën e parë grupin e vështirë për ata. 

Kosovarët Taulant Xhaka dhe Arlind Ajeti u inkuadruan në pjesë të dytë për Baselin, por nuk patën ndonjë ndikim të madh në lojë. 

GRUPI E, Tabela aktuale