Vidic ishte i gatshëm të luftonte për Kosovën

Sir Alex Ferguson, njeriu që bëri historinë me Manchester Unitedin në Angli dhe Premier League me tituj të fituar dhe punën si trajner, këtë ditë ka dalë me librin e tij autobiografik. 

Në mesin e shumë futbollistëve të tij, ai ka shkruar edhe për serbin Nemanja Vidic, duke bërë të ditur se ai ka qenë i gatshëm të luftonte për Serbinë në Kosovë! 

“Vidic është i fortë, i errët dhe tip i pakompromis. M’u afrua në vitin 2009 dhe më tha se ndoshta do të mund ta thërrasin për në ushtri. Kur e pyeta se çka mendon me ushtri?! Ai më dha këtë përgjigje: ‘Kosova. Po shkoj, kjo është detyra ime.’ E ka pasur këtë shikim në sy,” ka shkruar në mes tjerash Fergie në autobiografinë e tij. 

Wayne Rooney, Robin Van Persie, Roy Keane, David Beckham, Patrice Evra, e shumë shumë të tjerë me karakteristika, budallallëqe dhe çka tjetër jo, i ka shpalosur Ferguson për futbollistët e tij.