Chelsea triumfon në Etihad

Chelsea ka arritur të bëhet ekipi i parë që ka marrë pikë në Etihad këtë stinor. Për më tepër, Chelsea i ka marrë pikët e plota, duke e mposhtur Manchester Cityn, në një ndeshje të mrekullueshme që arsyetoi plotësisht derbin 700 milionësh. 

Ka qenë serbi Branislav Ivanovic që ka bërë dallimin në ndeshje, i cili ka shënuar për herë të parë në karrierë te Chelsea gol me këmbën e majtë të tij, duke ditur se është djathtak. 

Manchester City ia nisi furishëm ndeshjes, e cila kapi ritmin e saj të shpejtë që në minutat e para të ndeshjes. Mirëpo, Chelsea përkundër se ishte nonstop nën presion, me daljet e shpejta nëpërmjet Eden Hazard, Willian e Samuel Eto’o - rrezikonte mjaft portën e Joe Hart të Manchester City. 

Derisa në një moment nga një kundërsulm i tillë nga një top i dëbuar shënoi serbi Ivanovic për t’ia dhënë epërsinë ekipit të Jose Mourinhos, që në fund doli të jetë goli i fitores së derbit. 

Ndeshja dha gjithçka çka i duhet futbollit të bukur dhe lojës dinamike, derisa shtyllat dhe portierët e të dyja palëve kanë pasur punë pandërprerë. 

Me fitore Manchester City mbetet në vendin e dytë, por Chelsea tani i barazon pikët me ata, derisa Arsenal ka përfunduar javën si lider i Premier League, duke dalë rezultati më i konvenueshëm për ata.

Rezultatet dhe tabela aktuale.