PAS 3 HUMBJEVE
Foto: Squawka
City gjen fitoren
5 March, 2016 @17:52
Me golat e Agueros (2), Toures e Sterlingit, Manchester City ka mposhtur me rezultat 4-0 skuadrën e Aston Villës, e cila pothuajse veç është përshendetur me Premier Leaguen.
Pjesa e parë u mbyll pa gola, përkundër disa rasteve të skuadrës së Pellegrinit, kurse pjesa e dytë kaloi pa histori, me vetëm një skuadër që luante futboll. Përveç 4 golave, City shpërdoroi edhe një penallti në pjesën e dytë.
Kjo fitore bën që City të kthehet në garën për titull, duke marrë parasysh edhe gabimet e vazhdueshme të rivalëve për titull. Për më tepër, City ka edhe një ndeshje më pak të zhvilluar.
