Derbi mbyllet pa fitues

4 gola, një karton i kuq, shumë raste për shënim dhe nga një pikë për secilën skuadër. Kështu mund të përshkruhet derbi i Londrës Veriore i zhvilluar sot ndërmjet Tottenhamit e Arsenalit.

Pas pjesës së parë që u mbyll me avantazhin e mysafirëve përmes golit të Ramseyt, pjesa e dytë dhuroi shumë emocione. Fillimisht ishte francezi Coquelin ai që u përjashtua nga loja pas dy kartonëve të verdhë. Më pas Tottenhami shënoi dy herë përmes Alderweireld e Kane, por kur u mendua se gjithçka do të mbyllej me fitoren e skuadrës së Pochettinos, në skenë doli Alexis Sanchez, i cili e barazoi rezultatin, i ndihmuar nga një reagim i dobët i portierit Hugo Lloris.

Ky barazim e bën akoma më interesante garën për titull, me Cityn e Leicesterin që ende nuk i kanë zhvilluar ndeshjet e tyre.

​TABELA AKTUALE PREMIER LEAGUE