City i afrohet kreut

Kampioni aktual në Premier League, Manchester City, ka shfrytëzuar në mënyrën më të mirë ‘çalimin’ e liderit Chelseat këtë javë, që barazoi pa gola në ndeshjen e djeshme ndaj Sunderlandit.

Skuadra nga Manchesteri fitoi me rezultat 3-0 ndaj Southamptonit, duke i shënuar që të tre golat në pjesën e dytë.

Yaya Toure e prishi baraspeshën në rezultat në minutën 51’, kurse Frank Lampard (80’) dhe Gael Clichy (88’) shënuan për fitoren e sigurt të ekipit të Manuel Pellegrinit.

Me këtë fitore dallimi në mes Chelseat dhe Manchester Cityt u ngushtua në gjashtë pikë, derisa Southamptoni i cili mbante pozitën e dytë në radhitjen tabelare deri para kësaj jave, tani renditet në vendin e tretë.

Rezultatet dhe tabela aktuale.