City nis 2014-shin si lider

Manchester City i Manuel Pellegrinit ka nisur me fitore Vitin e Ri 2014, duke e mposhtur sot Swansea Cityn në Liberty Stadium. Kjo ka qenë fitorja e pestë me radhë e ‘qytetarëve’ të Manchesterit të cilët kanë vazhduar me formë të mirë përkundër se sot ndeshja u luajt nën shiun që nuk ndalej. 

Braziliani Fernandino hapi serinë e golave të Cityt, derisa Wilfried Bony barazoi disa sekonda para pushimit 15 minutësh. 

Por City pa problem vazhdoi edhe në pjesën e dytë të shënojë kur në skenë doli futbollisti më i paguar në ekip, Yaya Toure, për të shënuar për 1-2, e pastaj edhe serbi Aleksandar Kolarov shënoi një gol individual, nga një top që e vodhi në fushën e vetë, e e barti deri te goli i ekipit të Michael Laudrupit. 

Afrikani Bony përsëri shënoi në minutat shtesë, por tani të pjesës së dytë, që ishte pamjaftueshëm për ekipin e tij për të nxjerrë ndonjë pikë. 

Me këtë fitore, City ka ngritur numrin e tyre në 14, derisa ka 44 pikë dhe del në krye të tabelës.  

Rezultatet dhe tabela aktuale.