INTER DHE MILAN
REUTERS
Dyshja milaneze lufton për Dzekon
30 December, 2013 @12:13
Italianja Tuttosport beson se dy ekipet e Milanos, Inter dhe Milan, janë në luftë të ashpër mes veti për të siguruar shërbimet e sulmuesit boshnjak të Manchester Cityt, Edin Dzeko.
Dzeko, i cili këtë stinor po luan si futbollist rezervë në Manchester City, besohet se dëshiron më shumë minutazhë në lojë para Kampionatit Botëror, Brazili 2014 dhe kjo është arsyeja pse ai kërkon të ndërrojë mjedis.
E Tuttosport shkruan se të dy klubet e Milanos kërkojnë një golashënues të dëshmuar. Milan bazohet në miqësinë e Adriano Gallianit me agjentin e boshnjakut, derisa Inter shpreson në paratë e pronarit të ri, Erick Thohir.
Dzeko kërkohet edhe nga Valencia dhe Borussia Dortmund gjithashtu.
