City then fortesën e kampionit

Manchester City ka treguar se është ekip i fuqishëm duke e mposhtur Bayern Munchenin në Allianz Arena sonte. Për më tepër, kur Bayern e bëri rezultatin 2-0 për 12 minuta lojë, askush nuk besonte se një rikthim do të ishte i mundshëm, por ekipi i Manuel Pellegrinit nuk u dorëzua dhe ia shkaktoi humbjen e parë të stinorit bavarezëve në Ligë të Kampionëve, që me fitore sonte do të arrinin edhe një rekord. 

Dy golat e shpejtë të Thomas Muller (5’) dhe Mario Gotze (12’) u bënë të pavlefshme pasi që David Silva (28’) Aleksandar Kolarov (59’) dhe James Milner (62’) shënuan për fitoren e madhe të ish kampionit të Anglisë. 

Një humbje të tillë Bayernit stinorin e kaluar i kishte shkaktuar edhe Arsenali, por Bayern kishte vazhduar rrugën për titullin europian. E kur kihet parasysh që Manchester City luante me ekip të përgjysmuar karshi Bayernit të plotë, fitorja e tyre bëhet edhe më e madhe, përkundër se nuk ndikoi në renditjen grupore. 

Lajmi më i mirë nga ndeshja është që Pep Guardiola ka futur në ndeshje për herë të parë pas lëndimit kosovarin Xherdan Shaqiri, i cili nuk ka luajtur në asnjë ndeshje prej se u lëndua në Tiranë në ndeshjen Shqipëria-Zvicra, të cilën kombëtarja e Shaqirit, Zvicra e kishte fituar. 

Në ndeshjen tjetër, Viktoria Plzen regjistroi fitoren e parë duke e mposhtur CSKA Moskën, por pasi që në ndeshjet e ndërsjella rusët kanë bilanc më të mirë, ata shkuan në Europa League. 

TABELA PËRFUNDIMTARE, Grupi D: