Ndërpritet ndeshja Galata-Juve

Ndeshja vendimtare e Grupit B kualifikues ndërmjet Galatasarayit dhe Juventusit u ndërpre për shkak të rreshjeve të mëdha të borës. 

Gjyqtari kryesor i ndeshjes, portugezi Pedro Proença, ka kërkuar që të vendoset nesër gjatë ditës për fatin e ndeshjes, pasi që për shkak të rëndësisë së ndeshjes është frikësuar nga gabimet e mundshme që do të mund të ridhnin gjatë ndeshjes, fakt ky me të cilin janë pajtuar edhe kapitenët e të dyja ekipeve, Selçuk Inan i Galatasarayit dhe Gianluigi Buffon i Juventusit. 

Galatasarayit i nevojitej fitorja sonte për tu kualifikuar mëtej në Ligë të Kampionëve, derisa Juventusi mund të kalonte tutje edhe me barazim. 

Deri në momentin e ndërprerjes, rastin më të mirë në ndeshje e kishte Fernando Llorente i Juventusit që dështoi të shënonte nga afërsia. Rezultati mbeti 0-0, pas më se 30 minutave lojë.