GRUPI A
Man Utd Official
Man Utd fiton, Bayer vazhdon
10 December, 2013 @22:37
Bayer Leverkusen ka shënuar fitore në San Sebastian sonte me golin e vetëm të shënuar nga turku Omer Toprak në minutën e 41-të të ndeshjes.
Mirëpo, fitorja e tyre mund të ishte e kotë po të mos fitonte ose barazonte Manchester United ndaj Shakhtar Donetskut në Old Trafford.
E Manchester United me golin e vetëm të Phil Jonesit në minutën e 67-të përveç që fitoi, edhe vulosi eliminimin e ekipit me famë ukrainas, Shakhtar Donetsk, nga Liga e Kampionëve.
Kështu, Manchester kualifikohet si i pari i Grupit A, derisa Bayer Leverkusen kalon mbi Shakhtarin për të shkuar tutje. Sidoqoftë, ekipi i Mircea Lucescut, do të vazhdojë rrugën europiane, por në Europa League. Kosovari Adnan Januzaj ka qenë në fushë për 90 minuta te ekipi i David Moyesit sonte.
TABELA PËRFUNDIMTARE, Grupi A:
| 1 | Manchester United | 14 pikë | Kualifikohet në TOP 16 | |
| 2 | Bayer Leverkusen | 10 pikë | Kualifikohet në TOP 16 | |
| 3 | Shakhtar Donetsk | 8 pikë | Kualifikohet në Europa League | |
| 4 | Real Sociedad | 1 pikë | Eliminim nga garat europiane |
