Courtois e dëshiron Falcaon te Chelsea

Emri i Radamel Falcaos kohëve të fundit po përmendet shumë me skuadrën e Chelseat.

Sulmuesi në pronësi të Monacos, i cili në stinorin e fundit ishte i huazuar tek Manchester Unitedi, mund të luaj edhe në stinorin e ardhshëm në Premier League në formë të huazimit duke e veshur fanellën e Chelseat.

E këtë gjë më së shumti po e dëshiron portieri i londinezëve, Thibaut Courtois, i cili e kisht bashkëlojtar kolumbianin derisa luante për Atletico Madridin.

“E njoh shumë mirë Falcaon. Ai është djalosh shumë i mirë dhe një shok shumë i mirë. Nëse do të vinte, do të ishte mrekullueshëm. Sigurisht që vendimi është i klubit, por ai do të mund të ishte lojtar shumë i mirë për Chelsean,” tha portieri belg.

Falcao në stinorin e fundit me Manchester Unitedin ka shënuar vetëm katër gola në 26 paraqitje, duke treguar performancë të zbehtë tek djajtë e kuq.