Cristiano Ronaldo mungon 3 javë

Ylli portugez i Real Madridit, Cristiano Ronaldo, mund të mungojë dy deri në tre javë pas lëndimit të pësuar në ndeshje me Almerian në fundjavë. 

Përkundër se trajneri i madrilenëve, Carlo Ancelotti, ka thënë pas fitores se nuk është lëndim serioz ai i  Cristianos, sot e përditshmja spanjolle AS raporton se ai 100% do të mungojë në ndeshjen e Ligës së Kampionëve që luhet të mërkurën ndaj Galatasarayit. 

Kapiteni i kombëtares portugeze, Cristiano Ronaldo, pas lëndimit kishte sinjalizuar që dëshiron ta zëvendësohet përkundër se mjekët menduan se ai është në rregull për të vazhduar ndeshjen. 

Gjithashtu, sipas AS-it, Cristiano Ronaldo pritet të rikthehet më 14 dhjetor të këtij viti, derisa pritet të mungojë në ndeshjet ndaj: Valladolid, Olimpic Xativa dhe Kobenhavn.