TRAJNERI I SKENDERBEUT
Daja: Duhet të jemi të kënaqur me pikën
28 September, 2017 @23:20
Trajneri i Skënderbeut, Ilir Daja, është shprehur të jetë i kënaqur me rezulatin e ndeshjes së sontme, ku ekipi i tij mori pikën e parë në Europa Ligë, ndaj Young Boysit.
“Dalja e hershme e Enis Gavazajt nga ndeshja, e detyruar, ndikoi në taktikën e lojës. Të mos harrojmë, ne kemi pasur edhe dy mungesa të rëndëisshme në ekip, si Osmani e Radas. Gjithsesi epërsinë e morrëm, por nuk arritëm ta mbajmë shumë dhe kështu, duhet të jemi të kënaqur me pikën e fituar,” ka thënë ai pas ndeshjes për mikrofonin e RTSH-së.
Skënderbeu ka marrë pikën e parë në Grupin B sonte, ndërsa duelin e radhës e zhvillon ndaj Partizanit më 19 tetor në Elbasan.
