Dalin në shitje biletat për Ballkani-Ludogorets

Menjëherë pas vendimit të lëshuar nga FFK-ja, ku është bërë e ditur se Ballkani dhe Dukagjini do t’i zhvillojnë ndeshjet e para si vendas në kuadër të garave evropiane përkatëse, kualifikuese për Ligë të Kampionëve dhe Ligë të Konferencës, skuadra kampione e Kosovës ka bërë të ditur se ka filluar me shitjen e biletave përmes platformës së Federatës për ndeshjen ndaj kampionit të Bullgarisë, Ludogorets.

Tifozëria e Ballkanit Xhebrailat janë përcaktuar të qëndrojnë në “Veri” ndërsa çmimi i biletave për secilin sektor, sipas njoftimti të FC Ballkani është:

Veri - 3 euro;
Jug - 3 euro;
Lindje - 5 euro;
Perëndim - 10 euro;
VIP - 25 euro.

Mëposhtë, njoftimi i plotë i Ballkanit lidhur me biletat dhe shitjen e tyre:

FC Ballkani njofton opinionin se biletat për ndeshjen e parë në kuadër të UEFA Champions League ndërmjet FC Ballkani dhe PFC Lugogorets 1945, e cila zhvillohet më datë 11/07/2023 në orën 20:45 në stadiumin “Fadil Vokrri”, mund të blihen përmes platformës online .
Biletat për këtë ndeshje do të shiten vetëm online. Tifozët e klubit tanë “Xhebrailat” janë të vendosur në tribunën Veri. Çmimet e biletave janë: Veri dhe Jug 3 euro, Lindje 5 euro, Perëndim 10 euro, dhe VIP 25 euro ( te perfshira pijet ).
VINI RE!
Procedura se si blihet bileta online: Fillimisht ju duhet të regjistroheni në platformë. Mandej zgjidhni tribunën e stadiumit dhe më pas e selektoni ulësen e preferuar. Pasi t’i zgjedhni biletat, vazhdoni me pagesën online. Pasi të përfundon blerja online, ju duhet të pritni deri të gjenerohet Bileta si dhe Fatura juaj. Biletën do ta pranoni gjithashtu në email (kontrolloni edhe folderin SPAM gjithashtu). Bileta patjetër duhet të jetë e printuar në formatin A4, printimi duhet të jetë i kualitetit të lartë. Biletat janë të personalizuara (Në stadium mund të hyjë vetëm një person me një biletë pa marrë parasysh moshën).
Shënim: Personave që rastësisht pas blerjes së biletës nuk e marrin atë nëpërmjet emailit, atëherë atë mund ta gjejnë përmes kodit në link◼️