Dalin në shitje biletat

Klubi i Prishtinës ka njoftuar se ka filluar shitja e biletave për ndeshjen e së shtunës që do të luhet kundër ekipit nga Superliga turke, Sivasspor.

Sipas njoftimit nga klubi bardhekaltër do të jenë gjithsej tre pika zyrtare të shitjes së biletave, e ato do të jenë në Prishtinë tek “Newborn”-i dhe te sheshi “Zahir Pajaziti”, si dhe në Prizren tek sheshi “Shadërvan”.

Të enjtën biletat do të shiten vetëm në Prishtinë nga ora 16:00 deri në ora 19:00, të premtën do të shiten në Prishtinë dhe Prizren nga ora 12:00 deri 16:00, kurse të shtunën shitja e biletave do të bëhet vetëm te stadiumi i qytetit në Prishtinë nga ora 13:00 deri në ora 17:00.

Çmimi i biletave në jug dhe veri do të kushtojë 2 euro, në lindje 3 euro, derisa në perëndim do të kushtojë 5 euro.