Kampioni thehet në Pejë

U desh të pritet katër javë që njëra prej skuadrave më aktive të afatit kalimtar, Besa, ta regjistrojë fitoren e parë në këtë stinor. Ekipi pejan këtë e arriti duke i mposhtur kampionët aktual nga Vushtrria me rezultat 2-0.

Sulmuesi i Besës, Kastriot Rexha, ishte shumë afër për të shënuar në minutën e 10’ të ndeshjes, por goditja e tij u ndal në shtyllën pingule të portierit Tahiri.

Vendasit e prishën baraspeshën në rezultat në minutën 60’ kur Mensur Duraku shënoi nga ndërprerja, pasi paraprakisht Kastriot Rexha ishte ndalur në mënyrë të palejuar pranë zonës së rreptësisë.

Tetë minuta më vonë sulmuesi prizrenas, Fatih Karahoda, shënoi për 2-0 duke e vulosur rezultatin përfundimtar të ndeshjes, pasi rastet e Llamkos Kosovës për të shënuar mbetën të pamjaftueshëm për ta mposhtur portierin Valmir Bytyqi.

REZULTATET DHE TABELA AKTUALE.