GIANNI DE BIASI
De Biasi: Mungon motivi te lojtarët
4 June, 2017 @22:24
Pas ndeshjes, përzgjedhësi i kombëtares shqiptare, Gianni De Biasi, ndër të tjera ka thënë se lojtarëve po i mungon motivi për ndeshje dhe për këtë nuk po mund t’i arrijnë objektivat.
“Këtë skuadër, një trajner që erdhi nga Italia e bëri të mendonte se ëndrrat janë të mundura. E bindi që mund të fluturonte, aq sa fluturoi deri në europian. Mendoj se sot kjo skuadër duhet të gjejë brenda vetes motivin, jo te dikush këtë motiv, sepse janë të rritur. Dhe këtë duhet nisur që nga e diela e ardhshme në Izrael,” ka thënë ndër të tjera ai për mikrofonin e Supersport pas ndeshjes.
Shqipëria u mposht nga Luksemburgu sonte në miqësore, 2-1.
