Dekorohet Vokrri

Kryetari i Federatës së Futbollit të Kosovës, Fadil Vokrri, është dekoruar sot me Medaljen Presidenciale të Meritave nga kryetarja e vendit, Atifete Jahjaga. 

“Ju premtoj ndihmën time dhe të shtetit të Kosovës, për punën tuaj dhe do t’ju përkrahim në rrugën tuaj drejt arritjes së synimeve,” ka thënë ndër të tjera Jahjaga, derisa Vokrri ka çmuar lartë këtë mirënjohje duke shtuar se kjo do ta obligojë atë që të punojë edhe më shumë për përparimin e futbollit të Kosovës. 

Kosova këtë vit ka debutuar zyrtarisht në arenën ndërkombëtare me të drejta të kufizuara duke zhvilluar miqësore me përfaqësuesen e Haitit.