Dembeli Taarabt

Trajneri i Queens Park Rangers, Harry Redknapp, ka lëshuar akuza ndaj lojtari të tij, Adel Taarabt. 

Redknapp ka thënë se nuk mund më që të mbrojë lojtarët që kanë mbipeshë dhe nuk angazhohen fare. 

“Ai nuk është i gatshëm për të luajtur futboll, fatkeqësisht. Ai luajti për ekipin rezerv një ditë më praë, dhe t’ju them të drejtën unë do të vrapoja më shumë në fushë sesa ai. Nuk mund t’i mbrojë më njerëzit që nuk duan të stërviten dhe të vrapojnë, plus kanë mbipeshë. Çfarë duhet të them? Merre rrogën tënde javore dhe mos u stërvit!!!,” është cituar të ketë thënë trajneri me përvojë i QPR-së nga mediat britanike. 

Redknapp është kritikuar nga mediat pse nuk e ka futur marokenin 25 vjeçar në lojë ndaj Liverpoolit, ku ekipi i tij humbi 2-3 në fund. 

Taarabt stinorin e kaluar luajti si huazim në Serie A me Milanin ku shënoi 4 gola. Rroga e tij javore në QPR është 60 mijë funta.