Derbi drenicak hap xhiron e parafundit vjeshtore

Përballja ndërmjet Feronikelit dhe Drenicës që është përcaktuar të zhvillohet të premten në ora 13 në “Rexhep Rexhepi” të Drenasit, do të jetë ndeshja hapëse e xhiros së XVI të Superligës së Kosovës në futboll.

Derbi i rajonit të Drenicës, ku Drenica po kërkon të largohet nga zona e rrezikshme dhe Feronikeli po kërkon të këndellet pas humbjes ndaj Ferizajit në xhiron e kaluar, pritet të ngjallë interesim të madh te shikuesit.

TABELA AKTUALE E SUPERLIGËS

Mirëpo, në të njejtën kohë Drenica ka lëshuar një komunikatë në faqen zyrtare të ekipit përmes Facebookut, ku ka shkruar se është e zhgënjyer për ditën e ndeshjes pasi që është shumica e adhuruesve mund të mungojnë.

“Kush ka vendosur për këtë orar nuk e dimë, por duhet ta themi që nuk është i duhuri,” ka shkruar KF Drenica në postimin zyrtar.

Sidoqoftë, dueli pritet të jetë interesant ku Drenica në disa raste ka treguar lojëra të mira këtë stinor përkundër rezultateve, derisa Feronikeli kërkon vetëm fitore në këtë përballje.

Dueli i parë mes ekipeve kishte përfunduar me fitoren e Feronikelit, 2-1.

RAPORTI I NDESHJES DRENICA 1-2 FERONIKELI

TERMINET TJERA: