BESA - FERRONIKELI
Derbi mbyllet pa fitues
2 November, 2016 @14:54
Dy skuadrat nga kreu i tabelës, Besa e Feronikeli, kanë barazuar sot në derbin e xhiros të zhvilluar në “Shahin Haxhiislami” të Pejës, 1-1.
Dueli i hapur me raste nga të dyja palët ka kënaqur të pranishmit në stadiumin e Pejës, ndërsa rezultati i barabartë ka qenë ndoshta edhe real në fund.
Behar Maliqi çoi në epërsi Feronikelin, duke shënuar penalltinë e fituar nga Mendurim Hoti.
Më pas Besa morri kontrollin e lojës dhe avancoi në sulm për të kërkuar barazimin. Xhevdet Shabani shënoi njëherë, por goli u anulua për shkak të pozitës jashtë loje.
Njejtë, ekipi i Gani Sejdiut vazhdoi edhe në pjesë të dytë të ndeshjes, derisa Shkëlqim Pacolli shfrytëzoi rastin e paraqitur për të barazuar 1-1.
Deri në fund të takimit përkundër rasteve tjera, gol nuk kishte dhe skuadrat në fjalë nuk arritën të shfrytëzojnë barazimin e liderit Trepça’89 për t’iu afruar edhe më në krye të renditjes.
