GRUPI C: CITY - BARCA
Përmbysje e Cityt, Barcelona mposhtet në ‘Etihad’
1 November, 2016 @21:37
Pas fitores së arritur në ‘Camp Nou’ 4-0 xhiron e kaluar, Barcelona është mposhtur nga Citizens në ndeshjen e kthimit në ‘Etihad Stadium’.
Edhe pse kaluan të parët në epërsi, me golin që erdhi nga Leo Messi pas një kundërsulmi vrasës, Barcelona u mposht, duke pësuar 3 herë nga Manchester City që u rikthye në lojë fuqishëm për ta përmbysur rezultatin. Barazimin vendasit e gjeten me golin e shënuar nga Ilkay Gündoğan dhe pjesa e parë u mbyll 1-1. Përveç dy golave të shënuara, në pjesën e parë ra në sy edhe një penallti e mohuar në fillim të ndeshjes për Manchester Cityn kur rezultati ishte 0-0, rast i cili u kontestua shumë nga lojtarët e Cityt në pushimin pas pjesës së parë.
Në pjesën e dytë, Citizens e dominuan takimin, ndërsa golat e fitores u shënuan nga Kevin De Bruyne dhe Ilkay Gündoğan, i cili me 2 golat e shënuara sonte kap shifrën e 4 golave në 2 ndeshjet e fundit.
Në ndeshjen tjetër të Grupit C, Monchengladbachi ka barazuar 1-1 ndaj Celticut, duke mbetur 3 pikë larg Cityt që e mban pozitën e dytë.
All Goals HD - Manchester City 3-1 Barcelona… by arcturusmedia33
