Derbi që rrëzoi të dy skudrat në tabelë

Njëra ndër ndeshjet më të bukura të natës në Premier Ligë. Dy rivalë të vjetër që dhuruan gola dhe emocione, por në fund rezultati 2-2, i rrëzoi të dytë për kah një pozitë në klasifikim në krahasim me xhiron e kaluar.

As Manchester United e as Arsenal nuk e arritën fitoren, edhepse në fund mund të thuhet që David De Gea shpëtoi ekipin e tij nga humbja, pasi që mysafirët ishin dy herë në epërsi dhe pas barazimit 2-2, kërcënuan më seriozisht për fitore, por portieri spanjoll shpëtoi vendasit.

PREMIER LEAGUE

Derisa Manchester United ka regjistruar ndeshjen e katërt pa fitore në Premier Ligë (mbi një muaj pa fitore në elitë), Arsenal ka vazhduar serinë e pamposhtshmërisë në Premier Ligë duke e çuar në 14 ndeshje radhazi, ndërsa bëhen 20 ndeshje në të gjitha garat pa humbje, për herë të parë që prej vitit 2007.