Di Natale mbyt Interin

Ekipi i Andrea Stramaccionit, Inter, ia nisi tepër keq vitit. Ata u mposhtën sot bindshëm në stadiumin Friuli të Udines, në ndeshje ndaj Udineses. 

Ekipi i Francesco Guidolinit shfrytëzoi rastet dhe me sulmuesin veteran të tyre, Antonio Di Natale, goditën keq Interin që shpresonte t’i ngjitej përsëri luftës për titull. Duhet përmendur se Inter prej minutës së 65-të luajti me një lojtar më pak në fushë pasi që u përjashtua mbrojtësi i ri Juan, pas kartonit të dytë të verdhë.

Me këtë fitore Udinese kërcen nga vendi i dhjetë në të tetin, derisa Inter mbetet në të katërtin me 35 pikë, por cilido që fiton në ndeshjen e sontme Napoli - Roma do ta rrëzojë nga TOP 4-shja e Serie A-së. 

REZULTATI: 

Udinese - Inter 3-0 (Di Natale 64, 75, Muriel 79)