KONGRESI I FIFA-S
Disponimi i mirë para pranimit në FIFA
13 May, 2016 @12:06
Kosova është në ditën vendimtare ku pret t’i thyej përfundimisht barrierat ndërkombëtare.
Sot do të mbahet Kongresi i 66-të i FIFA-s, në kryeqytetin e Meksikës, Mexico City, ndërsa njëra prej pikave të rendit të ditës do të jetë edhe çështja e pranimit të Kosovës në FIFA.
“Delegacioni i FFK-së, Fadil Vokrri (kryetar) dhe Flamur Bunjaku (anëtar i KE të FFK-së), të cilët po marrin pjesë në kongresin e FIFA-s që po mbahet në Mexico City, ka pasur një serë takimesh me kryetar dhe përfaqësueses të shumë federatave dhe sipas tyre ka një disponim të mirë të anëtarëve FIFA-s, që Kosova të pranohet në FIFA. Kongresi sipas rendit të ditës sot pritet ta shqyrtojë kërkesën e FFK-së për pranim dhe të marrë vendim për një gjë të tillë,” thuhet në njoftimin e sotshëm të FFK-së.
Në FIFA aktualisht janë 209 anëtarë, ndërsa ky numër mund të rritet në 211 pas përveç Kosovës edhe Gjibraltari synon të pranohet në këtë organizatë.
