JANUZAJ BESON
Do të tregoj se e kanë gabim
8 September, 2016 @13:19
Mesfushori i lindur në Belgjikë, me origjinë nga Istogu, Adnan Januzaj, në një bisedë me Daily Mirror ka thënë se do t’i tregojë të gjithëve se e kanë gabim, për karrierën e tij.
“Do të punoj shumë dhe do t’u tregoj të gjithëve se e kanë pasur gabim,” ka thënë ai.
Januzaj vite më parë shkëlqeu në ndeshjet derisa David Moyes ishte trajner i Manchester Unitedit.
Por, me largimin e Moyesit ai nuk e gjeti veten asnjëherë më. Bile, humbi vendin e sigurt edhe në përfaqësuesen belge. Së fundi, ai u huazua edhe në Borussia Dortmund, por pa sukses.
Këtë stinor, ai nuk bindi as Jose Mourinhon te Manchester United, që çoi në huazimin e tij te Sunderland, të punoj nën urdhërat e trajnerit që e ngriti atë, David Moyes.
“Unë asnjëherë nuk dorëzohem. Edhe nëse nuk shkon mirë diçka, unë gjithmonë punoj për të treguar më të mirën. Tash me Sunderlandin e kam rastin për të treguar veten,” është cituar të ketë thënë ai.
