OLD TRAFFORD
Vetëm njëri fiton
8 September, 2016 @10:37
Të shtunën me fillim në ora 13 e 30 minuta luhet derbi i Manchesterit. Në “Old Trafford” takohen Manchester United - Manchester City.
Dy skuadrat me trajnerë të suksesshëm që erdhën në fillim të stinorit, Jose Mourinho e Pep Guardiola.
Dy skuadrat me nga tre fitore radhazi nisën stinorin. Dy skuadrat kanë nga 9 pikë aktualisht, ndërsa i vetmi dallim në klasifikim është golaverazhi, që është në të mirë të Cityt.
TABELA AKTUALE E PREMIER LEAGUE
Përforcime të shumta bën të dy, ndërsa të shtunën vetëm njëri mund të vazhdojë këtë ecuri - nëse fiton natyrisht. Rezultati barabartë do të prish ecurinë e fitoreve të të dyja skuadrave dhe do të lente në ‘pole position’ Chelsean, që luan me Swansean të dielën dhe pret rastin për të marrë kreun.
Edhe pse është ende fillimi i stinorit dhe heret të flitet për më shumë lidhur me triumfuesin, Manchester City, Chelsea e Manchester United - duken më serioz deri tani duke bindur me lojë dhe rezultate.
