BAYERN
Dorëhiqet Honess, pranon fajin
14 March, 2014 @13:37
Gjiganti bavarez Bayern Munchen është aktualisht pa kryetar. Njeriu i parë i klubit Uli Honess në një komunikatë të lëshuar nga klubi bavarez ka dhënë dorëheqje nga posti i tij pas dënimit të shqiptuar dje nga gjykata.
Ai është dënuar me 3.5 vjet burgim pas vërtetimit se ka ikur nga tatimi.
“Pas diskutimeve me familjen time kam vendosur që të pranojë vendimin e gjykatës lidhur me aferat e mija tatimore. Kjo është përgjegjësi personale e imja, dinjiteti im. Ky ka qenë gabimi më i madh në jetën time,” ka thënë ai, transmeton klubi bavarez në faqen zyrtare të saj.
Honess 62 vjeç është dënuar me 3.5 vite burgim pasi që ka ikur për 5 herë nga tatimet, në shumë prej 27.2 milionë euro në total.