Dorëhiqet selektori i Serbisë, Advocaat

Pas humbjes në Beograd nga Danimarka mbrëmë, përzgjedhësi i Serbisë, Dick Advocaat, ka dhënë dorëheqje nga posti i tij. 

Humbja 1-3 e Serbisë nga Danimarka ka qenë turpëruese për mediat serbe, për shkak edhe lojës së dobët të Serbisë, ndërsa ato kanë shkruar se vetëm fati i ndihmoi ekipit që të mos pësonte më keq nga Danimarka. 

Serbia gjendet në grup me Shqipërinë për kualifikime në EURO 2016 dhe ka vetëm një pikë nga 3 ndeshje të zhvilluara deri më tani. 

Përzgjedhësi i të rinjëve të Serbisë, Radovan Curcic, pritet të merr detyrën e ekipit senior, ka mësuar sot e përditshmja Blic.