Dortmund llogaritet favorit përsëri!

Sikurse në ndeshjen e parë që e humbën 3-2 në shtëpi, ashtu edhe sonte, Borussia Dortmund përsëri shihet favorit së paku për të fituar ndeshjen.

Monaco në anën tjetër duket të jetë e kujdesshme dhe e di forcën e ekipit gjerman.

“Ekipi ynë luan në një mënyrë dhe këtë nuk e ndërrojmë për një natë. Kjo është ADN-ja jonë. Ndoshta ne duhet të shënojmë ende gola për të shkuar tutje. Pres një Dortmund më të fortë sesa në duelin e parë. Në ekipin e tyre janë kthyer Castro dhe Reus dhe ata janë shumë të rëndësishëm për ekipin,” ka thënë Leonardo Jardim, trajner i Monacos në konferencë për shtyp para ndeshjes.

CHAMPIONSLEAGUE SKEMA DREJT FINALES

Në anën tjetër, Thomas Tuchel, ka thënë se është optimist duke e ditur cilësinë e ekipit të tij.

“Kemi një përzierje të këndshme të lojtarëve me përvojë dhe të rinjve. ëndërrojmë që të mbetemi në garë ende. Kemi dominuar statistikisht pjesën e dytë në ndeshjen e kaluar, në çdo sektor statistike. Jam shumë optimist pasi që e di cilësinë e ekipit, edhepse përballë kemi një skuadër që vështirë mposhtet,” ka thënë Tuchel në konferencë për shtyp para ndeshjes.

PIKAT KRYESORE:

-Kylian Mbappe shënoi dy herë për Monacon në fitoren në ndeshjen e parë çerekfinale, 3-2 ndaj Dortmundit në Signal Iduna Park.

-Monaco nuk është mposhtur në 6 ndeshjet si vendas këtë stinor në gara europiane (5 fitore dhe 1 barazim).

-Fabinho i Monacos nuk ka të drejtë loje për shkak të kartonave.

-Dortmund nuk ka fituar në dy ndeshjet e fundit si mysafir në Ligë të Kampionëve.

-Shorti i gjysmëfinales, të premten më 21 prill.

FORMACIONET E MUNDSHME:

Monaco: Subašić; Touré, Glik, Jemerson, Mendy; Bernardo Silva, Bakayoko, Moutinho, Lemar; Falcao, Mbappé.

Dortmund: Bürki; Piszczek, Papastathopoulos, Bender, Schmelzer; Weigl; Dembélé, Castro, Reus, Guerreiro; Aubameyang.

BASTORET:

Fitorja e Monacos kuotohet me 3, barazimi me 4.1 ndërsa fitorja e Dortmundit me 2.2 para ndeshjes nga bastoret botërore.