Drama i takoi Bregut të Fildishtë

Penalltia e shënuar nga Moussa Sow në minutën e 77-të i dha Senegalit shpresë për të siguruar Brazilin në fundin dramatik të ndeshjes ndërmjet Senegalit dhe Bregut të Fildishtë. 

Mirëpo, shpresa senegaleze u shua në sekondat e fundit të minutave shtesë të takimit kur Salomon Kalou shënoi për të barazuar dhe për të siguruar Botërorin për herë të tretë me radhë për vendin e tij, Bregun e Fildishtë. 

Kështu, pas Nigerisë, Bregu i Fildishtë, bëhet vendi i dytë afrikan që siguron Brazilin 2014 pasi që mposhti Senegalin me rezultat të përgjithshëm 4-2. Dhjetë minutat e fundit kanë qenë tejet dramatike, derisa Senegalit i duhej vetëm edhe një gol për t’u kualifikuar - gol ky që nuk erdhi. 

E sulmuesi i Lille, Kalou, në minutën e katërt të kohës shtesë shënoi për të konfirmuar kualifikimin e Bregut të Fildishtë dhe për t’i shuar shpresat senegaleze. 

Nesër takohen Kameruni me Tunisin për të përcaktuar udhëtuesin tjetër në Brazil, derisa Algjeria me Burkina Fason dhe Egjipti me Ganën do të përcaktojnë dy vendet e fundit afrikane që marrin biletën e Brazilit të martën. 

AFROZONA, Biletat e mbetura për Brazil 2014: