Drenica fiton derbin drenicak

Derbi drenicak i Superligës së Kosovës në futboll ndërmjet Ferronikelit dhe Drenicës ka përfunduar me fitoren e Drenicës. 

Në fakt, Ferronikeli kishte avantazh në ndeshje, duke udhëhequr në pjesën e parë 1-0. 

Mirëpo, Drenica e udhëhequr nga trajneri Afrim Jashari ka arritur të rikthehet në lojë në pjesën e dytë kur ish sulmuesi i Ferronikelit, Qemal Elshani ka shënuar për të barazuar rezultatin, ndërsa Dukagjin Gashi më vonë shënoi për rezultatin përfundimtar prej 1-2 në të mirë të Drenicës. 

Me këto tre pikë, Drenica ka dalë nga zona e rrezikshme e tabelës së Superligës, derisa Ferronikeli është futur aty. 

Rezultatet dhe tabela aktuale.