Drenica fiton pas 6 xhirove

Pas 6 xhirove radhazi pa fitore, Drenica më në fund e ka fituar takimin e sotëm ndaj Hajvalisë, takim ky që u luajt në stadiumin “Bajram Aliu”.

Ndeshja filloi shumë mirë për vendasit, me golin e epërsisë që erdhi që në minutën e pestë nga Ismet Caka, ndërsa gola të tjerë nuk pati dhe ndeshja u mbyll me rezultat minimal 1-0.

Gjërat për Drenicën u lehtësuan edhe më tepër në minutën e 78’, kur Valon Bytyqi i Hajvalisë u përjashtua nga loja pas 2 kartonëve të verdhë, të cilët i morri brenda pak minutave.

Krahas Drenicës që sot e shënoi fitoren e parë që nga 25 shtatori, fitorja e fundit e Hajvalisë daton më 18 shtator, datë në të cilën skuadra nga kryeqyteti e mposhti Dritën me rezultat 0-1 në Gjilan.

Pas takimit të sotëm, Drenica kap kuotën e 17 pikëve, ndërsa Hajvalia mbetet e fundit me vetëm 6 pikë.

TABELA AKTUALE E SUPERLIGËS