NË SKENDERAJ
Drenica kthen Ramën në postin e trajnerit
27 November, 2016 @15:56
Një ditë pas njoftimit për largim të trajnerit të deritashëm të ekipit, Afrim Jashari, skuadra e Drenicës ka kthyer në postin e trajnerit, Fadil Ramën.
Rama ka qenë në krye të ekipit kuqezi nga Skenderaj në stinorin e kaluar, duke arritur ta shpëtojë skuadrën nga rënia prej Superligës pasi që mposhti Dukagjinin në ndeshjen e barazhit.
Në ndërkohë, Rama ka drejtuar ekipin e juniorëve të Drenicës dhe nga xhiroja e radhës (e fundit për pjesën vjeshtore) ai do të drejtojë skuadrën.
