KUPA E KOSOVËS
Drita eliminon Hajvalinë
21 February, 2016 @15:37
Drita e Gjilanit që ka nisur pjesën pranverore të stinorit me trajnerin Sadat Pajaziti, e ka filluar atë në mënyrën më të mirë.
Bardhekaltërit nga Gjilani kanë mposhtur ekipin e Hajvalisë sot në kuadër të Kupës së Kosovës për tu kualifikuar tutje dhe për të eliminuar ekipin e Ismet Munishit.
Hajvalia kishte kaluar në epërsi përmes Karabegut, që kishte pranuar një top nga Sergio da Luz Junior. Por Drita nëpërmjet Shabanit çoi skuadrat në pushim me barazim.
Në pjesën e dytë Drita ishte dukshëm më e vendosur për të shkuar tutje dhe përmes Shabanit avancon në 2-1, ndërsa Qëndrim Sejdiu vulos fatin e takimit dhjetë minuta para përfundimit.
