Fantasy TopSporti
Të gjitha lajmet
Tabelat dhe Rezultatet

DRITA - TREPÇA '89

Drita mposhtet pas 4 muajve, mundësi për Ballkanin!

Drita mposhtet pas 4 muajve, mundësi për Ballkanin!


20 February, 2021 @14:54

Një ndeshje për t’u harruar për kampionin në fuqi të Kosovës!

Ekipi i Dritës sot befasisht u mposht 1-2 (Kastriot Rexha 80’ / Zeki Ademi 14’, Adenis Shala 45+1’) nga Trepça ‘89 në Gjilan, për ta bërë kështu një lëshim të pikëve në luftën për mbrojtjen e titullit.

Skuadra e Trepçës ‘89, që gjatë javës mori vëmendjen për shkak që ishte afër të nënshkruajë me ish-yllin e Lazios, Luis Cavanda (transfer që në fund nuk u kompletua), sot mori vëmendjen për shkak që arriti ta mposhtë në shtëpi kampionin aktual të Kosovës, Dritën.

Për Dritën kjo ishte vetëm humbja e dytë këtë sezon në ligë, pas asaj nga Ballkani 4 muaj më parë, ndërsa e para në ndeshjet e luajtura në shtëpi.

Zeki Ademi i mitrovicasve u regjistrua i pari në listën e golashënuesve, duke shënuar në minutën e 14’, ndërsa deri në përfundimin e pjesës së parë mitrovicasit shënuan edhe një herë. Sikur javën e kaluar, edhe sot golin për ‘89-shin e gjeti këmbëshpejti Adenis Shala, i cili shënoi për 0-2 në minutën e 45+1’.

TABELA AKTUALE

Në pjesën e dytë, Drita me zëvendësime ofansive rriti presionin ndaj kundërshtarit, por goli i ngushtimit të epërsisë vonoi shumë. Ishte minuta e 80’ kur Kastriot Rexha shënoi për 1-2, dhe për përmbysje eventuale ishte vonë. Mitrovicasit e menaxhuan mirë pjesën e mbetur të ndeshjes dhe e mbyllën takimin me fitore.

Kjo humbje i jep edhe më shumë shpresë Ballkanit e Prishtinës në garën për titull. Me fitore nesër ndaj Gjilanit, Ballkani e merr kreun falë golaverazhit, kurse prishtinasit momentalisht ndodhen 6 pikë larg kreut.

Në anën tjetër, ‘89-shi tashmë është i pesti në renditje.

Duhet përmendur që te Drita sot për shkak të kartonëve munguan Fidan Gërbeshi e Erjon Vucaj, kurse për shkak të lëndimit mungoi Vladica Brdarovski.


 
Të gjitha lajmet nga FFK Superliga