Dueli vendimtar

Sonte zhvillohet dueli final i Kampionatit Europian Franca 2016, Portugalia do t’i vihet përballë Francës në finalen e madhe të EURO 2016, ndërsa kontinenti i vjetër do të mësojë kampionin e ri për katër vitet e ardhshme.

RRUGËTIMI I PORTUGALISË

Pas startit të ngadalshëm dhe rrugëtimit hap pas hapi, Portugalia në gjysmëfinale tregoi veten duke e mposhtur Belgjikën favorite.

Cristiano Ronaldo tregoi cilësitë e tij në momentin më të duhur për vendin e tij dhe tani ka rastin e fundit që të merr kurorën e parë nën petkun e vendit të tij.

RRUGËTIMI I FRANCËS

Franca që para fillimit të europianit ishte favoritja numër një për të fituar trofeun dhe nuk ka zhgënjyer në asnjë ndeshje, hiç barazimin me Zvicrën në Grupin A, pas fitoreve ndaj Rumanisë dhe Shqipërisë.

Mençur kaluan edhe makinerinë gjermane në gjysmëfinale për t’i dalë përballë sot portugezëve.

E PËRBASHKËTA

Të dyja finalistet janë mposhtur nga Shqipëria në dy vitet e kaluara. Kuqezinjtë mposhtën Portugalinë 1-0 në fillim të kualifikimeve për EURO 2016, ndërsa në të njejtin cikël, mposhtën edhe Francën në miqësore.

TITUJT

Dy gazetat më të mëdha sportive të vendeve përkatëse kanë dalë me këto tituj:

L’Equipe i Francës me: Dita e të Shenjtëve

A Bola e Portugalisë: Fitore dhe mbi të, ndeshja e jetërave tona

Referi i ndeshjes është anglezi Mark Clattenburg.