Duro te Drita?!

Në një artikull të botuar si ekskluziv sot, Panorama Sport ka shkruar se ka kuptuar nga burimet e saja që Drita, do të zyrtarizojë këto ditë Shpëtim Duron trajner të skuadrës, pas largimit të Bekim Isufit.

Drita, kampione aktuale e Kosovës, nuk e nisi aspak mirë stinorin dhe trajneri Isufi u largua.

“Shpëtim Duro është trajneri i ri i Dritës së Gjilanit. “Panorama Sport” mëson ekskluzivisht nga burime të sigurta pranë klubit kosovar, se trajneri tiranas ka pranuar ofertën dhe nesër do të prezantohet zyrtarisht,” ka shkruar njoftimi i gazetës shqiptare sot.

Duro 58 vjeç në karrierën e tij ka drejtuar Partizanin e Tiranës, Skënderbeun, Vllazninë, Besën, Shkëndijën e Tetovës dhe së fundi Flamurtarin e Vlorës në Kategorinë Superiore.

Nëse realizohet, kjo do të jetë aventura e parë e Duros në Superligën e Kosovës.