SHPËTIM HASANI
Dy golat e Hasanit, s’mjaftojnë
24 July, 2017 @10:47
Sulmuesi me përvojë i Kosovës, Shpëtim Hasani, ka shënuar dy golate parë për ekipin e tij Degerfors në përballje ndaj Trelleborgut në kuadër të Superettan ligës.
Mirëpo, golat e Hasanit nuk kanë sjellë asnjë pikë për ekipin e Degerforsit, pasi që në pjesë të dytë, Trelleborg ka shënuar tre herë për të shkëputur fitoren 2-3 në fund.
Hasani 34 vjeç ka shënuar nga penalltia në minutën e 26-të të takimit dhe më pas në të 41-tën për epërsinë 2-0, që nuk mjaftoi për ekipin e tij.
Degerfors aktualisht pas 15 ndeshjeve të zhvilluara në Superettan ka 21 pikë dhe gjendet në mes të klasifikimit.
Hasani këtë stinor ka arritur në kuotën e 7 golave deri tani dhe po mban mesataren gati gjysmë goli për ndeshje, përkundër moshës.
