Dybala në fund neutralizon derbi d’Italian

Goli i hershëm i Edin Dzekos dhe kontrolli i lojës së Interit u ça në fund. Në një derbi të tillë, mossigurimi i fitores më heret iu kthye në dëm pikësh neroazzurrëve.

Massimiliano Allegri futi në lojë dyshen Federico Chiesa dhe Paulo Dybala në pjesë të dytë, ndërsa një penallti e fituar e Juventusit në minutën e 89 të ndeshjes, përcaktoi rezultatin final, 1-1 [Dzeko 17 - Dybala 89].

Argjentinasi Dybala nuk gaboi dhe shënoi për përfundimtaren e ndeshjes, derisa tash Inter ka 18 pikë si i treti, 7 larg dyshes kryesuese Napoli e Milan, ndërsa Juventus me 15 pikë është i gjashti.