Dyshe nga Neymar, Barça në gjysmëfinale

Barcelona është ekipi i parë që ka siguruar gjysmëfinalen e Copa del Rey, duke e mposhtur edhe njëherë Atletico Madridin në ballafaqim çerekfinal. 

Katalonasit përkundër se kanë qenë dy herë në disavatazh, 1-0 dhe 2-1, ata kanë gjetur forcë dhe duke pasur një Neymar të saktë para portës kundërshtare, kanë shënuar për fitore 2-3 në fund. 

Atletico Madrid e priti fundin e ndeshjes pa shpresa, pasi që kishte mbetur me dy lojtarë më pak, për shkak të kartonave të tepërt të verdhë, që u shndërruan në të kuqe për Gabin dhe Mario Suarezin. 

Barcelona kishte fituar ndeshjen e parë në Camp Nou 1-0 dhe sonte edhe me barazim do të siguronte gjysmëfinalen. 

Kjo ka qenë fitorja e tretë e Barcelonës karshi kampionit të Spanjës këtë muaj, duke llogaritur dy ndeshje të çerekfinales së Kupës dhe një në La Liga.