GJAKOVË
BOROZANI/D.S.
E dyta me radhë për Vëllaznimin
12 April, 2015 @15:43
Vëllaznimi ka arritur të shënojë fitoren e radhës në Superligë, të dytën me radhë, duke e mposhtur sot Ferizajin në Gjakovë me rezultat 2-0.
Me nga një gol në çdo pjesë të lojës, kuqezinjtë e Gjakovës kanë bërë një hap të mirë për tu larguar nga zona e rrezikshme me këtë fitore, derisa Ferizaji rrezikohet edhe më për rënie nga Superliga.
Yll Myrta shënoi për gjakovarët në pjesë të parë, pas harkimit nga gjuajtja e lirë, derisa në pjesë të dytë realizoi Drilon Nuza pas një kundërsulmi, kur u shërbye nga Amir Nikoliqi.
Me këtë, Vëllaznimi përfundon në vend të tetë fazën e dytë të Superligës, derisa Ferizaji në vend të parafundit.
