VËLLAZNIMI - VITIA
E gjashta me radhë për Vëllaznimin
30 October, 2016 @16:20
Lideri i Ligës së Parë, Vëllaznimi, po vazhdon të marshojë drejt Superligës.
Gjakovarët kanë shënuar fitoren e gjashtë me radhë në Ligën e Parë, duke e mposhtur kësaj radhe Vitinë me rezultat minimal 1-0.
Goli i vetëm i ndeshjes u shënua nga mesfushori Yll Myrta.
Me këtë fitore Vëllaznimi ka ruajtur dallimin prej 5 pikëve me ndjekësin më të afërt, Flamurtarin, derisa Vitia renditet në pozitën e nëntë me 16 pikë.
