LLAPI-DRENICA
Namani për fitore, Llapi mbetet lartë
30 October, 2016 @15:58
Skuadra e Llapit është mjaftuar me fitore minimale ndaj Drenicës sot në “Zahir Pajaziti”-n e renovuar.
Kjo fitore ka mbajtur ekipin e Tahir Batatinës në pjesën e epërme të klasifikimit, ndërsa golin e vetëm dhe vendimtar të ndeshjes e shënoi Hamdi Namani, që tundi rrjetën e Drenicës në 15 minutëshin e fundit të takimit për fitore.
Llapi kështu ka regjistruar fitoren e shtatë të stinorit, kurse Drenica bie në pozitën e tetë të klasifikimit, ende pa rrezik për zonë të rrezikshme.
