E pabesueshme si humbëm

Trajneri françez i Arsenalit, Arsene Wenger, ka thënë se u ka munguar fati dhe thjeshtë është e pabesueshme se si e kanë humbur derbin e djeshëm ndaj Manchester Unitedit. 

“Kur ne filluam të luajmë, në pjesën e dytë, ne thjeshtë dominuam në ndeshje dhe kemi qenë të pafat që nuk shënuam,” ka vërejtur Wenger. 

“Mendoj se çdonjëri nga ne është i frustruar për shkak se është e pabesueshme se si e humbëm këtë ndeshje. Ndoshta pse nuk kemi fituar për një kohë në Old Trafford, na bëri të humbemi në pjesën e parë në fushë, derisa në të dytën ne është dashur të rikthehemi - sinqerisht ishim të pafat,” ka thënë mes tjerash trajneri i Arsenalit, Wenger, transmetojnë mediat angleze sot. 

Manchester United ia shkaktoi humbjen e parë në Premier League Arsenalit që nga fillimi i stinorit. Ka qenë pikërisht ish lojtari i Arsenalit, Robin Van Persie, që shënoi për të bërë dallimin në ndeshje. Arsenal vazhdon të mbetet lider i Premier League me dy pikë më shumë se ndjekësi i parë, Liverpool.