Juventusi rrënon Napolin

Kampioni aktual i Italisë, Juventus, ka treguar sonte forcën e vërtetë në ndeshje derbi të xhiros së XII ndaj Napolit. 

Juventinët kanë qenë të shpejtë, kreativ dhe deri diku të pamëshirshëm ndaj napolitanëve të udhëhequr nga Rafael Benitez. 

Spanjolli Fernando Llorente menjëherë me të filluar ndeshja shënoi për epërsinë e ‘binaconerëve’, derisa Napoli prej atij momenti u humb në fushë dhe nuk arriti të këndellet gjatë gjithë ndeshjes. 

Më vonë në minutën e 75’ dhe 80’ në skenë dolën mesfushorët fenomenal sonte, Andrea Pirlo dhe Paul Pogba për t’i dhënë goditjen e fundit Napolit, duke shënuar për 3-0. 

Prej shqiptarëve në Napoli, vetëm Valon Behrami ka qenë në fushë për 90 minuta, derisa Blerim Dzemaili nuk është futur fare në lojë nga trajneri spanjoll Benitez. 

Juventus kështu ka shfrytëzuar gabimin e dytë në hapa të Romës, që barazoi sot me Sassuolon modeste, ndërsa me fitore ndaj Napolit i ka rrëzuar ata në vend të tretë. 

Tash Roma është vetëm një pikë para Juventusit në krye të Serie A-së. 

Rezultatet dhe tabela aktuale.