Edhe 4 vite në Man United

Antonio Valencia që aktualisht po luan me Ekuadorin në Kampionat Botëror, bëhet e ditur se ka vazhduar kontratën me ekipin e tij, Manchester United. 

I ardhur në vitin 2009 në Old Trafford nga Wigan Athletic, Valencia ka bërë deri më sot 191 paraqitje për djajt e kuq, me të cilët ka fituar dy herë titullin e kampionit të Anglisë. 

Lajmin e ka bërë të ditur vetë faqja e Manchester United, duke cituar fjalët e ndihmës trajnerit Ryan Giggs. Derisa Valencia, si ekuadoriani i parë me trofe të Premier League është shprehur i kënaqur me marrëveshjen e re që e mban atë në klub deri në qershor të vitit 2018.